*ياذيب ياللي خطوتك تتعب الخيل* *في نايداً قفراً خلي العشايب* *** *مدام غيرك يتقن الحمل والشيل* *فجر العوى ياذيب واضرس بنايب* *** *اعرفك ماتروى ولو عندك النيل* *والبحر جالك واقشر الحظ غايب* *** *ترا بيننا ياذيب حباً وتعليل* *وخوه يعانقها هيام الحبايب* *** *وياذيب ماشاركتني دلة الهيل* *فنجال بنن ماحصل به شوايب* *** *كيفاً لمن يطرب لصوت المعاميل* *شف القلوب الراهيات العطايب* *** *لك من رياض الورد يالغايب اكليل* *وطوقاً على عنقاً بدى به ندايب* *** *ياكبرها لاصار جمعاً وتطبيل* *وياصغرها لاصاغها فكر شايب* *** *ماحولها لادبرت اي تبجيل* *وياشينها مافيه معلوق طايب* *** *الوضع مايحتاج فطنه وتعليل* *وحتى الصبر ياذيب مر ومصايب* *** *كل الغموض نحاربه لاجل تحليل* *والرزق من عند الولي بالوهايب* *** *رسوم طيباً باقيه جيل لا جيل* *تبقى مثل لو يملوكها نهايب* *** *والبندق اللي ثورت مابها حيل* *ياليتها للي قناها نصايب* *** *والهامة اللي تنحني تحت منديل* *منها فعول اهل المناصيب ذايب* *** *بيان واضح مايبي زود تفصيل* *منهاج واضح للقلوب اللبايب* *** *ميزاننا مايقبل النقص بالكيل* *وحريبنا يرجع وهوغصب تايب* *** *هذي حقيقه واضحه دون تعديل* *فيها لنا ياذيب حق وطلايب*
(
(
1 ping